Dyrefaget

Aktuelle arbeidsplassar

Som dyrefaglært jobbar du i ulike typar verksemder som tilbyr opplevingar, tenester og produkt som er knytte til dyr. Det kan vere formidling og rettleiing, sal av produkt eller omsorgs- og helsetilbod. Du kan til dømes bli dyreklinikkassistent, dyrebutikkmedarbeidar, tenestehundførar, instruktør på hundeskole eller jobbe i dyreanlegg eller med forsking på dyr.

Sentrale arbeidsoppgåver

Ein dyrefaglært jobbar med praktisk handtering, stell, omsorg og pleie av dyr med utgangspunkt i dyrevelferd og dyrehelse. Som dyrefaglært arbeider du tett med ulike kundegrupper. Sentrale arbeidsområde:

• utøve fagleg forsvarleg og omsorgsfullt stell og pleie av dyr
• arbeide med helsefremjande og førebyggjande tiltak for den fysiske og mentale velferda til dyr
• levere kvalitetssikra opplevingar, tenester og produkt til oppdragsgjevarar og kundar
• yte kundeservice gjennom kommunikasjon, rettleiing og instruksjon
• drifte og halde ved like til dømes dyreklinikkar, dyrebutikkar eller dyreparkar
• tileigne seg ny kunnskap og ny teknologi i arbeid som er knytt til dyr
• sikre god hygiene og gode smittervernrutinar
• journalføring, dokumentasjon og rapportering

Personlege eigenskapar

Ein dyrefaglært må kunne yte service og vere innstilt på å ha eit arbeid som krev uthald og tolmod. Du må ha gode observasjonsevner og eit godt blikk for behova til dyra. Det er viktig å vere omsorgsfull og tilpassingsdyktig overfor både dyr og kundar. Du bør kunne arbeide sjølvstendig og saman med andre.

Utdanningsveg: