NÅOPP-Fleirfagleg opplæringskontor Sunnmøre og Romsdal
Opplæringskontoret er eit samarbeidsorgan for medlemsbedrifter etter §7-12 i opplæringslova.Samarbeidsorganet kan teikne kontrakt for opplæring etter opplæringslov §7-2 og ta imot lærlingtilskott på vegne av medlemsbedriftene etter opplæringslov §7-8.
NÅOPP har medlemsbedrifter på Nordre Sunnmøre og i Romsdal.
Opplæringskontoret vart stifta i 1996 og er eit fleirfagleg opplæringskontor.
NÅOPP sine medlemsbedrifter ligg sentralt i den såkalla maritime klynga. Det betyr at mange av våre bedrifter er høgteknologiske, og tilbyr spanande og interessante læreplassar. I tillegg til det private næringslivet er Haram kommune tilknytta kontoret, og tilbyr interessante læreplassar i kommunale fag. Vi har også medlemsbedrifter som tilbyr læreplassar innan fleire av dei andre utdanningsprogramma.
Bedriftene i området kan by på nokon av dei beste karrieremoglegheitene i landet. Regionen har lang tradisjon for lærlingar,og sørgjer for eit godt læringsmiljø.
NÅOPP skal arbeide for å gi lærlingane /lærekandidatane ei god læretid med auka kompetanse og gode haldningar, rusta for å møte vidare arbeidsliv eller utdanning.
Lærlingordninga skal bidra til rekruttering av dyktige fagarbeidarar i våre medlemsbedrifter og til at fagopplæringa er ein attraktiv utdanningsveg.
Å bidra til at dei fleste kjem seg gjennom det fire-årige utdanningsløpet,
at lærlingane har ei god læretid og består fag-/sveineprøva og er kvalifisert til vidare arbeid eller utdanning.
Logg inn
