Sveisefaget

Aktuelle arbeidsplassar

Sveisaren arbeider i mellom anna kjemisk og mekanisk industri, innanfor oljeverksemd, skipsbygging og treforedling.

Sentrale arbeidsoppgåver

Hovudoppgåva i faget er å føye saman metalliske materiale ved hjelp av forskjellige smelteprosessar. Sentrale arbeidsområde er

• arbeid etter instruksjonar, teikningar og WPS (sveiseprosedyrar)
• handtering av materiale, hjelpestoff og verktøy for materialbearbeiding
• utføring av sveiseprosessar etter fastsett metode
• vedlikehald og feilsøking på sveiseutstyr

Personlege eigenskapar

Ein sveisar må kunne arbeide svært nøyaktig, planmessig, rasjonelt og effektivt, både sjølvstendig og saman med andre. Du bør ha praktisk handlag og gode fagkunnskapar.

Formelle krav
Faget krev ofte utdanning og sertifisering med diplom eller sertifikat i samsvar med internasjonale standardar og krav.