CNC-maskineringsfaget
Sist oppdatert: 16/06/2021
CNC-operatøren brukar datamaskin til å styre mekaniske maskiner og lage komplekse delar i metall eller andre materialer.
Aktuelle arbeidsplassar
Ein CNC-operatør arbeidar innan ei rekkje verksemder som mekanisk industri, kjemisk industri, oljeverksemd, skipsbygging og treforedling. Arbeidsplassar finst i store og små bedrifter som er høgt spesialiserte for framstilling av nye produkt for mekanisk industri, og i verksemder for vedlikehald av utstyr i annan industri.
Sentrale arbeidsoppgåver
- mottak av materiale
- bearbeiding og produksjon av detaljar av ulike materiale ved hjelp av manuelle og styrte verktymaskiner
- val av skjereverkty og skjeredata
- bruk av digitale hjelpemiddel til å utvikle og redigere program for styrte verktymaskiner samt informasjons- og administrasjonssystem
- vedlikehald av maskiner og tilhøyrande utstyr
Personlege eigenskapar
CNC-operatøren må kunne arbeide nøyaktig, forsiktig, rasjonelt og effektivt, både sjølvstendig og saman med andre. Du bør ha godt handlag og interesse for maskiner og teknologi.
Utdanningsveg
- Vg1 Teknologi og Industrifag/ Vg1 Elektro og datateknologi
- Vg2 Industriteknologi
- Vg3 Opplæring i bedrift i to år. Fagbrev etter bestått fagprøve.
Les meir på: vilbli.no